47

ظلم برداشت کر لیں گے لیکن عمران خان کے آگے سر نہیں جھکائیں گے، شہبازشریف

اسلام آباد: صدر پاکستان مسلم لیگ (ن) شہباز شریف کا کہنا ہے کہ عمران نیازی نازی سوچ اور فسطائی اقدامات کی علامت بن چکے ہیں تاہم ظلم برداشت کر لیں گے لیکن عمران خان کے آگے سر نہیں جھکائیں گے۔پاکستان مسلم لیگ (ن) کے صدر اور قائد حزب اختلاف شہبازشریف نے مریم نواز کی پیشی کے موقع پر کارکنوں پر پولیس تشدد کی مذمت کرتے ہوئے کہا ہے کہ فسطائی حکومت ملک میں ’وَن پارٹی رول‘ قائم کرنا چاہتی ہے، نئے پاکستان کے معماروں نے اپنے فسطائی اقدامات سے پرانے پاکستان کو بھی شرما دیا ہے، نااہل حکمرانوں کی تحریک انتقام چلانے والوں کو ماضی کی طرح ایک بار پھر مایوسی اور شرمندگی اٹھانا پڑے گی۔شہباز شریف نے کہا کہ نالائق حکومت خود کو عوام کی عدالت سے بچانے کے لئے اپوزیشن پر جھوٹے مقدمات بنارہی ہے، جمہوریت، قانون اور آزاد میڈیا کی مالا جھپنے والوں نے بغل میں چھری رکھی ہوئی ہے تاہم کوئی ریاستی جبر کارکنوں کو اپنی قیادت اور رہنماؤں سے یک جہتی سے نہیں روک سکتا، عمران نیازی نازی سوچ اور فسطائی اقدامات کی علامت بن چکے ہیں۔بعد ازاں قومی اسمبلی میں اظہار خیال کرتے ہوئے شہباز شریف نے کہا کہ ظلم برداشت کر لیں گے لیکن عمران خان کے آگے سر نہیں جھکائیں گے، کل نیب مریم نواز اور یوسف کو گرفتار کرنے کوٹ لکھپت جیل گئی، کیا نیب رائیونڈ میں گرفتار نہیں کرسکتی تھی۔شہباز شریف نے کہا کہ 13 جولائی 2018 کو ایک باپ کے سامنے بیٹی اور بیٹی کے سامنے باپ گرفتار ہوئے جب کہ کل اس کی بدتر تاریخ دوبارہ دوہرائی گئی تاہم قوم جانتی ہے کہ نوازشریف اورمریم نواز پہلی دفعہ گرفتار نہیں ہوئے۔

اس خبر پر اپنی رائے کا اظہار کریں

اپنا تبصرہ بھیجیں